As nosas noticias: pode asociarse usando estas RSS Feeds.
Manifesto 2009
Declaración do Colexio Oficial de Enxeñeiros de Telecomunicación de Galicia, COETG, co gallo do Día Mundial das Telecomunicacións e da Sociedade da Información 2009
O Colexio Oficial de Enxeñeiros de Telecomunicación de Galicia (COETG) quere dirixirse un ano máis a toda a sociedade galega co gallo do Día Mundial das Telecomunicacións e da Sociedade da Información 2009, que mañá, 17 de maio, se celebra en todo o mundo.
A Electrónica e as Tecnoloxías da Información e da Comunicación (ETIC) constitúen unha oportunidade real para superar o actual contexto de crise económica no que estamos inmersos e configúranse como o soporte preciso sobre o que desenvolver os cambios para afrontar o novo escenario. Neste proscenio, o sector das telecomunicacións consolídase como un ámbito enormemente produtivo que exerce un efecto multiplicador na economía contribuíndo a incrementar notablemente o Produto Interior Bruto (PIB) e a xeración de emprego. A súa transversalidade convérteo no motor e impulso dos demais sectores, afectando directamente á competitividade e á produtividade das empresas e establecendo unha fenda entre as que toman ventaxa do seu uso e as que non o fan. Polo que o investimento no sector ETC é unha das pezas fundamentais para aumentar a produtividade e a competitividade do tecido empresarial galego.
Nesta liña, estamos convencidos de que as ETIC, a innovación e a confianza son a receita fronte á crise. Pero para incrementar a produtividade hai que investir nas telecomunicacións, establecendo medidas correctoras que promovan a concorrencia competitiva de operadores e o despregue de infraestruturas de última xeración e optimicen as redes de comunicacións. Así mesmo, que a sociedade gañe confianza e seguridade no seu coñecemento e manexo axeitado das novas tecnoloxías será clave para reforzar a presenza das telecomunicacións entre cidadáns e empresas mediante políticas públicas de seguridade da información e fomento da accesibilidade aos servizos da Sociedade da Información.
A industria da Electrónica e as Comunicacións é un dos sectores que menos está a sufrir a crise, xa que está mantendo a súa cota de ingresos e emprego a pesar da recesión mundial que sofren outros sectores. Así, desde o COETG entendemos que hai que potenciar de xeito prioritario a industria do sector das ETIC en Galicia como motor para saír da crise e situarnos no lugar que nos corresponde na circunscrición europea. Para isto é imprescindible o apoio da Administración Autonómica e o de todos os axentes implicados, entre os que, sen dúbida, se atopa o COETG.
Tamén mañá, 17 de maio, celebramos o Día das Letras Galegas, unha data sinalada na que poñemos de manifesto a relevancia da lingua galega como o noso elemento de comunicación. O COETG aposta firmemente porque a nosa lingua teña un lugar dentro destas novas tecnoloxías da información. Desde o COETG agardamos que estes esforzos frutifiquen no progreso do noso País e en beneficio de todos os cidadáns.
Asdo. Ramón Bermúdez de Castro Olavide Decano COETG
A Asociación PuntoGal, que ten por obxectivo conseguir un dominio propio para a cultura e lingua galegas, vén de estrear a súa nova web na data do 3º aniversario da súa constitución.
O proxecto do Real Decreto que se presentará próximamente ao CATSI establece que a partir do 1 de xaneiro de 2015 a banda de frecuencias de 790 a 862 MHz quedará reservada para servizos distintos ao de televisión, como os de banda ancha en movilidade. Esta decisión sobre o chamado ‘dividendo dixital’ permite aumentar a competencia no mercado dos servizos móbiles, incrementar a oferta de novos servizos innovadores, mellorar a calidade e reducir os prezos para as empresas e cidadáns. O dividendo dixital contribuirá ao crecemento económico, a xeración de novos empregos e ao incremento da productividade. Segundo a Comisión Europea, en España o valor incremental da utilización do dividendo estimase entre 12.000 e 16.000 millóns de euros, o equivalente ao 1,5 % do PIB. Na súa comparecencia no Senado, o ministro de Industria tamén anunciou que a liña ICO-Plan Avanza, que financia a adquisición de equipamento e conectividade a cidadáns e empresas, ampliaráse en 400 millóns de euros.
Nace o Consejo Nacional Consultor sobre Cyber-Seguridad
Hoxe presentouse públicamente o Consejo Nacional Consultor sobre Cyber-Seguridad (CNCCS). O Consejo aglutina a algunhas das máis importantes firmas do sector español de seguridade informática: Panda Security, S21sec, Hispasec Sistemas e Secuware.
Nunha situación cun crecemento sostido e exponencial da ciber-delincuencia movido por intereses económicos e políticos, o sector decidiu aunar as súas forzas e poñerse a disposición de entidades gubernamentais ou privadas para asesoralas en materias relacionadas coa Cyber-Seguridade. A súa misión é facer máis segura Internet e as redes de Información, así como potenciar a innovación e o crecimento económico do noso país.
Impulsa TDT presentou en Madrid o Anuario TDT 2008. Queda un ano exactamente para o apagón analóxico definitivo en toda España, un feito que non pasou desapercibido para a asociación e que serviu para repasar a situación actual.
Richard Stallman en conferencia o 30 de abril en Vigo
O movemento do Software Libre e o Perigo das patentes son as temáticas que abordará dentro dunhas xornadas abertas ao público no marco do Master de Software Libre de Caixanova.
O COETG lembra a necesidade do visado para o exercio profesional
O COETG lembra a necesidade do visado para o exercio profesional
A conferencia desenvolveuse no marco da IX edición do Foro Tecnolóxico do Emprego 2009
O Colexio Oficial de Enxeñeiros de Telecomunicación de Galicia (COETG) está a participar na IX edición do Foro Tecnolóxico do Emprego 2009 que se celebrará ata o 3 de abril na Escola de Enxeñeiros de Telecomunicación da Universidade de Vigo.
Nun intento por achegar o mundo do mercado laboral aos futuros enxeñeiros e titulados, as empresas participantes dan a coñecer mediante conferencias e presentacións a súa estrutura, modo de traballo, liñas de mercado, I+D+i, produtos, etc. O COETG participa por terceiro ano consecutivo neste encontro de negocios cun stand propio e ofrecendo unha conferencia sobre o “Colexio, Funcións e Servizos aos colexiados” da man do seu xerente, Ricardo Fernández, e da Responsable do Servizo de Visado Colexial en Galicia, Luisa Lombardero.
Inmersos nun ciclo recesivo que marca una nova tendencia económica, a Electrónica, as Telecomunicacións e as Tecnoloxías da Información e da Comunicación (as chamadas TIC) érguense como ferramenta transversal que contribuirá decisivamente a mellorar a competitividade e a produtividade dos países, potenciando o desenvolvemento sostible. As TIC son para o mundo actual, igual que a Revolución Industrial para o século XVIII, unha idea forza que explica a necesidade da apostar pola plena cobertura destas tecnoloxias na sociedade. A súa aplicación ao mundo das pemes contribúe á diversificación dos seus produtos e servizos, facilitando a actividade comercial, incrementando as cifras do emprego e a participación nas economías locais.
Aprobación da imposición de obligacións simétricas de acceso aos operadores de comunicacións electrónicas
Resolución pola que se aproban a imposición de obligacións simétricas de acceso aos operadores de comunicacións electrónicas en relación coas redes de fibra da súa titularidade que despreguen no interior dos edificios e se acorda a súa notificación á Comisión Europea (MTZ 2008-965) ( MTZ 2008/965 ).
Manifesto 2009
